المنشاوية


 
الرئيسيةمكتبة الصورس .و .جبحـثالتسجيلدخول

شاطر | 
 

 مجموعة نكت

اذهب الى الأسفل 
كاتب الموضوعرسالة
mayoy
عقيد منشاوى
عقيد منشاوى
avatar

عدد الرسائل : 113
العمر : 25
تاريخ التسجيل : 27/06/2008

مُساهمةموضوع: مجموعة نكت   السبت يونيو 28, 2008 6:58 pm

Smileفى الماضى : جنون البقر
فى الحاضر : أنفلونزا الطيور
فى المستقبل ترقبوا ....
بواسير السمك !


سألو واحد بخيل طحن: تعمل ايه لو الدنيا برد؟ قال: أروح للدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله.


استاذ سال تلميذ الثعلب بيولد ولا بيبيض
قاله ده مكار اتوقع منه اي حاجه .


الراديو:والاعب بيشوط بمشط رجله يااااااااااه بتيجى في المقص
صبي الحلاق:إلحق يا معلم بيلعبوا في العدة ...


مرة واحد بخيل بعت أبنة يجبله بقرش جبنة
فراح الولد يقول للبقال بابا بقولك هات بقرش جبنة
فقال البقال:خلي ابوك يجي يلحس السكينة.


اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا ؟ قالوه انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونتك ..... قالوه ايوه كده تعجبنى ، مش التاني اللي قاعدلي في البانيو و بيقول علي نفسه من الضفاضع البشريه!



مرة واحدة ست بتقول لجارتها الحقيني يا أم محمد
بعت جوزي يجيبلي ملوخية راح مخبوط بأتوبيس ... يالهوي وعملتي إية ..
عملت بامية وامري لله.


جلس امريكى مع صعيدي يتكلم عن تقدم بلدة وانهم اول ناس طلعوا القمر فالصعيدي سألة ولقيتة اية هناك؟ قالة رمل و زلط قالة اهوة دة احنا اللي مطلعينة ...


مرة الجماعة بلدياتناعملوا اجتماع يناقشوا فيه تأخرهم العلمي. فقام واحد بيقول : أمريكا طلعت القمر قبلنا واحنا قاعدين قام رد عليه واحد: خلاص احنا لازم نطلع الشمس. فقالوا: احنا كدة هنسيح رد عليه: يا غبي احنا هانطلعها بالليل...


مقاول احضر مجموعة من الصعايدة لبناء كنيسة وطبعاً عارفين الصعايدة بيحبوا الغناء اثناء العمل قعدوا يغنوا" هيلا هيلا صلوا عا النبي " المقاول سمعهم قالهم هاتخربوا بيتي مش معقول تبنوا كنيسة وتغنوا " صلوا ع النبي" غنوا اي حاجة تانية، في اليوم التالي سمعهم بيغنوا" هيلا هيلا بص ع الحيطة " بص ع الحيطة شاف مكتوب عليها " صلوا ع النبي .


مذيع تليفزيوني حب يثبت ان الصعايدة اذكياء فعمل برنامج مسابقات و استضاف 3 صعايدة فسأل الاول مين اللى انتصر فى الحرب العالمية التانية الحلفاء ولا المانيا النازية؟ فأجاب الحلفاء طبعا التفت الى التاني وسألة مين اللي كسب فى اخر ماتش الاهلي ولا الزمالك؟ فأجاب الاهلي طبعا فسأل التالت فهمت اية من اجابة السؤالين اللي فاتو؟ افهم ان المانيا حتلاعب الزمالك على التالت و الرابع .


جماعة بلديتنا بيحششوا فجت كبسه كل واحد اسـتخبه في شوال جه الضابط ضرب الشوال الأول برجله خرج واحد منهم واعد يكاكي وعمل نفسه فرخه ضرب التاني خرج واحد يدن وعمل نفسه ديك ضرب التالت مخرجش ضربه تاني مخرجش ضربه جامد المرة دي خرج وقال له شوال
بطاطس بطاااااااطس انت مابتفهمش...


واحد بلدياتنا في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور ...


واحد بلديتنا قاعد في مؤتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه فقام واحد ايطالي و قال
احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه كان عندنا المحمول .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مجموعة نكت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتدى الترفيهى-
انتقل الى: